Steve和帕卡幾經辛苦，終於逃出生物中心，但未會合同伴，卻遇着地產佬尋仇，到底要如何是好？
科學園爆破在即，但這班地產佬碰着獵物，卻是興奮又亢奮。當中譽港灣大喝一聲：「我和康景去招呼颱風派，越秀、御豪門，你們去殺結他手，不要給他機會出招！」越秀和御豪門齊聲應命，立即揮軍上前進攻：
「受死吧結他仔！『樓按神功 九成按揭 二按拳』x2！」
經過新蒲崗一役，兩人深知Steve不能小覷，必須先除之後快。而對方演奏雖強橫，卻不擅打埋身戰，以快打慢確是上策。
果然一如所料，Steve遇着成班高手，當堂打亂了節奏：「糟！他們已知道我的弱點，想要先擒下我！」完全無機會出招，唯有退一步海闊天空。但避得初一，又避唔到十五。甩開兩件大佬，又有三隻餓狗搶屎：「上呀兄弟！『一按拳』x3！」幸好他身手不俗，竊笑一聲：「三按？嘿，不好意思，我吃不下啊！」向後90度扭腰，總算勉強避過。
但正要出招還擊，那邊又來三件搶客：「殺呀！別讓他有機會彈奏呀！『二按拳』x3！」三按加倍變六按，剩係食息都食死。情急之下，唯有舉結他擋架。結他夠大把，當斧頭又得，當盾又得，得咗。但擋得住兩招，卻「噹！噹！」兩聲作響，似是在悲鳴叫苦，令主人暗叫失策：「不！不能弄壞結他！否則我便成無牙老虎，只會死得更快！但敵人專針對我，怎辦？至少也要找掩護……」
自捨棄iBelt後，Steve便變成隊中魔法師：以結他使出強勁魔法，一招殺盡萬千怪物。但這類角色體力有限，又不擅長埋身搏鬥，單拖會十分輸蝕。
要發揮魔法師本色，就要有強力掩護。這種強力角色，隊中本來有三個。但有兩個困在生物中心，剩下一個帕卡想要幫拖：「Steve，我來護你！」又被譽港灣和康景緊盯不放：
「想走？別忘了還有我們呀！」
這班地產佬戰術明顯不過：先盡快殺Steve，再合流圍毆帕卡。他們甚至計算過，擊殺Steve大約需要三十秒，再殺帕卡也是三十秒，剩下三十秒快速逃走，時間剛剛好，掂呀！
之不過，他們低估了帕卡的實力。
帕卡對住成班地產佬，不單一無所懼，反倒大喝一聲：「躝開！死地產佬！」一雙臂勾橫張，勾住兩件地產房奴，拖行十餘呎之後，再用力一夾，兩個頭顱「啪！啪！」聲甩開，再遇怪風一吹，便飛到無邊天際，也許飛到馬鞍山去了。
輕輕鬆鬆冧兩件，但轉個身，又見兩件洶湧而上：「衝呀！殺呀！『八成半按揭 二按拳』x2！」螻囉都借到『八成半』，難怪會如斯勇猛。但不要緊，正好手上有兩件無頭屍，當然要好好利用：「來得好，有禮物大贈送！」將屍骸掟向兩個地產佬，然後趁四件炒埋一碟，上前贈多記絕招：
「『八號風球力量 強颱風拳』！」
兩人兩屍剷上半空，「啵！啵！啵！啵」聲四響，爆成肉碎一坺坺，然後飛散到各處，如同放煙花一樣。其餘地產佬看着駭人情景，終於曉得惹錯對象，當堂腳軟退四步：「好……好可怕！」之不過嘍囉退縮，又輪到大佬—譽港灣和康景上前招呼：
「看招！『樓按神功 九成半按揭 二按拳』x2！」
兩個大佬一躍上半空，按揭絕招居高臨下，二二如四，實行供到你甩褲。但帕卡依然淡定有錢剩，只回以一聲咧笑：「嘿！」正好剛才的屍骸跌落，於是又靈機一觸，順手拈來兩大塊，然後將之掟去迎敵。但康景暗笑一聲：「嘻，這樣就想攔住我？」一拳就將屍骸轟散。只是定神一看，竟已不見對手蹤影！
「咦？人呢？」
「後面呀！」
「什麼？」
回頭一望，原來帕卡不知不覺間，已經繞到其身後！未及驚叫，背門已中其『強颱風拳』，成件監生撻落地面。不過要殺大佬，一招顯然並不足夠，要再下一城埋單：
「『颱風神功 八號風球力量 旋風雙飛腿』！」
摔角絕招配上旋風勁力，如同電鑽直取康景。康景被釘死地上，避無可避之下，只得長嘆認命：「我……我死定了！」但別忘了，還有個譽港灣回防救駕：「康景！我來救你！」一記橫身衝撞，狠狠撞在帕卡背門。這記衝撞威力有限，只令雙飛腿稍稍偏移，狠狠鑽中康景左臂，使其「轟！」一聲報銷。康景痛失一臂，當堂仰天大叫：「呀！～～～～～～」但勉強執番條命，已算不幸中之大幸。
反之，帕卡臨門一腳炒飛機，心裡總不太滿意：「豈有此理！差點就一腳搞掂！」但現在擊退兩個，也總算開了生路。趁空檔掃視四周，只見Steve被地產界圍攻，已是應接不暇。而且還要應付兩個大佬—越秀和御豪門絕招包抄：
「看招！『樓按神功 九成半按揭 二按拳』x2！」
眼見Steve身陷險境，帕卡不禁拍胸怒叫：「休得傷他！」第一時間飛身幫拖。區區一個監視對象，為何令他奮勇如斯？是監視任務無比重要？還是新的友情要好珍惜？無人知。總之此刻為了救人，無論你幾多成按揭，幾多層樓要供，我都要一一衝破！
之不過你有你衝破，警報器卻已在Final Countdown：「5，4，3，2，1……」倒數完畢，腳底便猛地激震，「轟隆！轟隆！」連連巨響，由地底震到地面，震得全場眾人無法站穩。其時，側邊的生物中心「轟隆！」聲爆炸，火舌和玻璃灑落一地。
歡樂嘅時間過得特別快。當眾人還在熱烈劇鬥，狂歡炒樓，自爆裝置已經倒數完畢，不知不覺間爆破了。